Hyderabad

Amasan “Kuki Worship Service – Hyderabad”, report hinpe thei dinga kaum jeh in Pathen thang vah in umhen.

Pathen phatthei bohna jallin, Kuki Worship Service hi Hyderabad khopi a hin March 1999 chun kikhop khomna masapen ana kineijin ahi. Kum li (4) sunga hin mi innah kai khomna ana kinei ji in ahi. Map (Sunday) seh leh kikhop khomna hi nilhah lam 3:00 p.m. leh akinei ji in ahi.

Pa Pathen phatthei bohna jallin mi ahung kitam cheh cheh in, 2003 kum’a chun Centenary Baptist Church - Secunderabad, mun’ah Rev. Pastor Nalla Thomas, ngailutnale khohsah najallin kikhopna ding mun khat eina pe uvin ahi. Amaho gelkhohna jallin tuni channin kikhopna in aki mang jing nalaijin ahi.

Kum 2002/2003 sungin Rev.Paothang Haokip, OM Secunderabad’a ahung umtoh kilhonin Pastor’in eihin panpeh jinguvin, chule ama kithopi dingin Gl. Lalkhokai Kipgen, Asst. Pastor‘in kum 2006, January lha a pat’in tuni channin akimang chajom jingin ahi. Hitoh kilhonin tupet hin K.W.S. (H) kiloikhomna a hin Executive Member hi sagi (7) akineijin ahi. Pakai hatna jallin, Hou In kaikhomna amachal jingin ahi. Hiche Executive Memberho hin kum khat sunga (term) a poh dingin pha ana kisan, hiche toh kilhonnin kum seh leh General Election akineijin, hiche a konin mipin kumkit’a Executive Member thah dingho hi kilhengdoh ji ahi. Hyderabad khopi a Eimi aumho jouse - tosetna tohho, dammona, akipahho kipapi dingin, Pastor leh Asst Pastor toh Executive Memberho jousen pan hoitah in akila jing’in ahi.

Kum 2006, March lha a pat’in “Women Society - Hyderabad” hon jong Pathen minin kikhop khomna anei jingun, pontho tah in apangun amachal jinguvin ahi.

Kum 2007 chun Operation Mobilisation (OM) campus - Secunderabad, mun’ah Christmas Cum Bible Camp nom tah in ana kimangin ahi. Hiche a thuseiding (speaker) chun Rev. Lalkhosei Chongloi, ana kikou vin ahi. Hiche camp chu lolhing tah in lhagao lamma nasatah in kisuhhalna ana kineijin ahi. Pathen thangvah in um hen.

Kum 2008 January lha a chun Centenary Baptist Church (CBC) - Secunderabad, mun’a “International Baptist Fellowship” jong KWS member phabep’in pan nasatah in ana kila in, anakiphat chompi lheh in ahi.

Hyderabad K.W.S. hin Hou In mun akinei hih laiyin, hiche a dingin Pathen kom’a taona toh thon, Building Committee jong khat ana kisem doh in ahi. Pathen’in memberho jong phatthei hin boh in tin, nikhat leh KWS – Hyderabad’in jong “Hou In” mun khat ahin neidoh theiteina dingin taona a igel doh jing diuvin kahin ngeh un ahi.

Chule Pathen phatsah ahileh, KWS (H) in Kum 2009 leh “DECADE CELEBRATION” jong man ding akitin ahi. Hijeh chun hiche hi lolhing tah a akinei theina dingin, mipi jousen nabon chauvin Taona in neihin geldoh jinguvin, Amen.

Kakipah e.

2013 sunga KWS Hyderabad lamkai thah ho anouiyah hin kahin thotne:

-----